Safarkii diyaaradaas raaci oo tiradooda lagu qiyaasey illaa Kontameeyo ayaa loo diiday in diyaaradaas ay ku safraan xilli ay wateen tikido iyo Baasa boorkii Cagaarnaa ee dawladdii hore.

Taliyaha oo halkaa ka hadlay ayaa sheegay inaysan marnaba aqbali doonin inay hoos tagaan maamulka la magic baxay isla markaana aysan yeeli doonin in Somali land ay diido Baasaboorka Soomaaliga ee rasmiga sidaas darteedna aan baasaboorkaas looga dhoofi Karin Garoonka Diyaaradaha Muqdisha waa siduu hadalka u dhigaye.

Gen Gaafoow ayaa si barer ah Maamulka Somali land farriin ugu diray isagoona u sheegay in ay dhaqan geliyaan baasaboorka Jamhuuriyadda Soomaaliya kaasoo uu sheegay in caalamku aqoonsan yahay.

In kastoo Taliyaha Laanta Socotada iyo Jinsiyadaha Xukuumadda Federaalka Soomaaliya qaddar Rakaabkii Diyaaraddaa raaci lahaa uu Garoonka ku hayay haddana goor dambe ayuu fasaxay in Diyaaraddu ay qaaddo Rakabkaas oo muddo halkaa ku xayirnaa.

Arrintan ayaa waxa ay imaanaysaa xilli muddooyinkii dambe uu jiray xafiiltan dhinaca Soomaali Lanad ay ka biya diidaneed Go’aankii qaramada Midoobay ay Hawada Soomaaliya maamulkeeda ka ku wareejisay Dawladda Federaalka Soomaaliya taasoo maamulka Somali landna uu ku gacan seeyray.

Sidoo kale gudoomiye kuxigeenka baarlamaanka ayaa sheegay inay jiraan xildhibaano Muqdisho ku sugan balse aanay ka soo qeyb gelin fadhiyada, isagoo wax laga xumaado ku tilmaamay in aanay mudanayaasha dalka ku sugan xilkooda gudan.

“Maalmahan fadhiyada baarlamaanka waxaa imaanaya 150 xildhibaan, xildhibaano jooga oo aan imaaneyn waa jiraan, taas looma baahna”ayuu yiri Jeylaani Nuur Iikar.

Kala bar Mudanayaasha baarlamaanka ayaa la sheega inay dalka ka maqan yihiin, halka qaarkoodna aanay xaadirin fadhiyada, waxaana mararka qaar adkaata kooramka uu ku furmo kulamada baarlamaanka

2-gaari oo Madaafiicda Bm-ka xambaarsan oo kiiba uu ka kooban yahay 21-Dhuumood & 4-Hoobiye iyo 3 Madaafiicda loo yaqaan Arti 5-ka laguna jiido gawaarida waa weeyn ee dagaalka ayaa waxaa lagu arkay xarunta Col. Barre Aadan Shire (Barre Hiiraale), waxaana Madaafiicdaan dhamaantood tijaabo iyo dhoola tus milatari ka dib dusha laga saaray shiraac iyo teendhooyin.

Qaar ka mid ah Xaafadaha magaalada Kismaayo waxaa ku soo badanaya Tikniko taageersan Barre Hiraale kuwaas oo looga baqayo hadii uu dagaal dhaco inay dhabar jabiyaan xoogaga Madaxwaynaha Maamul-goboleedka Jubbaland State ahna Hogaamiyaha ururka Raaskanbooni Sheekh Axmed Islaam (Axmed Madoobe).

Dhanka kale waxaa sare u kacay ama qaali saaid ah noqday Rasaastii lagu kala iibsan jiray gudaha magaalada Kismaayo taas oo gaartay heerkii ugu sareeysay waxaana arintaan sabab looga dhigayaa saan saanta colaadeed ee ka jirta magaalada Kismaayo iyo nawaaxigeeda.

Shacabka dibadbaxa dhigayey ayaa ka codsaday mudanayaasha baarlamaanka ee ku hawlan Mooshinka ka dhanka ah xukuumadda iney ka noqdaan arinkaas oo ay shacabku sheegeen ineysan dan ugu jirin bulshada Soomaaliyeed oo kasoo daashay khilaafaad iyo isqab-qabsi.

Dibadbaxayaasha ayaa sheegay in Soomaaliya xiligan aysan u baahneen khilaaf laga dhex abuuro hay’adaha dowladda,waxayna sheegeen in xukuumadda r/wasaare Saacid ay dadaal badan ugu jirto soo celinta xasiloonida dalka isla markaane ay jirtay mudda kooban oo aysan suurta gal ahayn iney wax walba ku hagaajiso 7-dii bilood ee ay xilka haysay.

Dibadbaxa ay dhigeen shacabka magaalada Muqdisho ayaa ka danbeeyey kadib markii ay mudanayaal ka tirsan baarlamaanka Soomaaliya ay u gudbiyeen gudoonka baarlamaanka Mooshin ay ku doonayaan in codka kalsoonida loogu qaado xukuumadda uu hogaamiyo R/wasaare Cabdi Faarax Shiirdoon Saacid

Ugu danbeyntiina iyadoo duqa magaalada Toronto oo laba sano iyo bar oo qura hayey xilkaas islamarkaana markii horeba lahaa cadowyo badan horeyna dhowr jeer loogu soo jeediyey eedeymo kale duwan ay arintaan dhabar jab weyn ku tahay ayuu asagu uu dafirey gebi ahaanba arintaas jiritaankeeda, Laakiin waxaa durbaba soo baxaayo waxyaabo badan oo cadyn u ah inuu ninkaas xiriir la lahaa Soomaalidaas iyo qolooyinka kale ee ku jira ka ganacsiga daroogada iyadoona sawir ay soo bandhigeen qolooyinkaas uu muuqdo ninkaas oo la taagan qaar ka mid daadka daroogada ka shaqeysta, Booliiska magaalada Toronta ayaan wax hadal ah ka bixin arintaan ayagoona sheegay inay wadaan baaritaan ku saabsan arintaas, Qaar badan oo ka mid ah dadk reer Canada iyo aduunka oo dhan ayaa ka war sugaaya waxa ka soo baxa filimkaas iyo cida iibsata oo u soo bandhigta aduunka iyo inay sheekadaas ay noqoto mid run ah iyo in kale.

Abdirizak M. (Xiireey)

Holland

Abdirizakxiireey@hotmail.com

Ra’iisul wasaaraha Ethiopia, ayaa sidoo kale sheegay in maamulka Somaliland ay ka caawin doonaan kahor tagista qatarada kaga soo wajahan dagaalyahanada Al-shabaab.

Waxa uu yiri: “Ethiopia waxay diyaar u tahay taageero diblomaasi,mid ciidan, iyo mid dhaqaale ineey ku taageero maamulka Somaliland”.

Ra’iisul wasaaraha Ethioia ayaa rajo wanaagsan ka muujiyay in Somaliland iyo Ethiopia ay goordhow kala saxiixan doonaan Istiraatiijiyad iskaashi labo dhinac ah, waxa uu tilmaamay in arintaasi doowlada Ethiopia ay ugu xil saartay gudi farsamo oo soo darsaya habka ugu haboon ee lagus ii wadi karo xiriirka Ethiopia iyo Somaliland.

Xubnaha baarlamanka wadankaas ayuu u muujiyay ( Desalegn ) in Ethiopia aysan dano gaar ah ka lahayn taageerada ay siineyso Somaliland, balse ujeedka uu yahay taageero ay doowladiisa isbahaysi kula noqoneyso maamulkaas.

Ra’iisul wasaaraha Ethiopia ayaa waxa uu shaaciyay in Ciidamada doowladiisa ay ka bar bar dagaalami doonaan kuwa Somaliland, ayna tababaro siin doonaan.

Waa doowladii ugu horeysay oo dhacda Bariga afrika ee taageero toos ah u fidisa maamulka Somaliland.

Dhinaca kalena, ehelada dadka la xukumay iyo kuwa ay dhalinyaradoodu ka tageen Minnesota ayaa siyaabo kala duwan uga hadlay xukumadan.

Warbixintan oo uu diyaariyey Haaruun Macruuf halkan hoose ka dhageyso.

AFEEF: Tarjumadani aniga ayay igu kooban tahay. Ma ahan mid ay tasdiiqisay, dalbatay ama laga wargeliyay dowladda Britain.

SU’AAL:Wadahadallada Soomaaliya iyo Somaliland si wanaagsan ayay hore ugu socdaan. Laakiin maxay ku dhacday in laga fekeri waayay in arrinta ku saabsan maamulka duullimaadyada iyo hawadu ay dhib keenayaan?

WASIIR UK:Arimaha ku saabsan [duullimaadka] hawadu waa arrimaha ay tahay dartood in ay u wadahadlaan Somalia iyo Somaliland.

Su’aal:Militerigii iyo booliiskii Soomaaliya waxay burbureen 21 sano ka hor. Ciidanka Muqdisho joogaa waa hal beel. Ma dhiirri gelineysaa ciidan midnimo Qaran?

Wasiir UK: Midnimo Qaran oo xagga qabaa’ilka iyo Gobollada ah ayaa muhiim u ahaaneysa Soomaaliya in ay nabadgelyo iyo horumar gaarto.

Su’aal:Maxaad u maleyneysaa in muhiimadda koowaad ee UK ay tahay si ay caawiso dowladda Soomaaliya?

WASIIR UK:Madaxweynaha [Soomaaliya] muhiimaddiisa koowaad waa ammaanka. Annaguna waan la qabnaa wixii ka dambeeyay [shirkii] Soomaaliya 2013.

SU’AAL:Kenya waxay wiiqeysaa dowladda Soomaaliya iyo dadaalka Britain ee ah in la xasiliyo Soomaaliya. Arrintaasi waxay u gogol xaareysaa Qabqablayaal dagaal. Waa maxay mowqifka UK ee Kismaayo?

WASIIR UK:Gobolku wuxuu xuddun u yahay ammaanka iyo xasilloonida Soomaalia. In xal laga gaaro UK waxay kala shaqeyneysaa dhammaan dhinacyada oo ay ka mid tahay Kenya.

SU’AAL:UK waxaa ku sugan Soomaali aad u badan. Dowladda Britain ma qaadday wax tallaabo ah oo ay kula xiriireyso?

WASIIR UK:Qurba joogta kaalin muhiim ah ayaa u bannaan in ay cayaaraan. Waxaan qaar ka mid ah kula kulmay [xaafadaha London ee] Ealing iyo Westminster iyo [magaalada] Cardiff. Waxay mustaqbalka biirin doonaan wax weyn.

SU’AAL:Maaddaama Nicholas Kay loo magacaabay Ergeyga Gaarka ah ee QM u qaabbilsan Soomaaliya, kaalinta IGAD ma lagu wareejin karaa QM?

WASIIR UK:IGAD iyo QM waxay leeyihiin kaalimo kala duwan. Ka dib, dib-u-eegidda QM iyo magacaabidda Nick Kay ee Ergeyga Gaarka ah ee Xoghayaha Guud ee QM, isuduwidda hawluhu waxay noqoneysaa lama huraan.

SU’AAL:G8 ma bixin doontaa miisaaniyadda loo[ga] baahan yahay [Soomaaliya], taas oo ka korreysa lacagta aan badnayn ee £200 milyan ah ee ay ku baaqeen, si loo xaqiijiyo dib u kabasho dhaqaale iyo xasillooni?

WASIIR UK:Waan kugu raacsan ahay muhiimadda dib u kabashada dhaqaalaha. F.G. Kulankii ganacsiga ee aan anigu marti geliyey 8 May – horumar dhaqaale waa furaha koboca mustaqbalka.

SU’AAL:Waa maxay istaraatiijiyada aad ka leedihiin in al Shabaab laga suuliyo Soomaaliya maaddaama ay kooxdaasi dhibaato hor leh ay sii horseedeyso?

WASIIR UK:Waan kugu raacsan ahay in al Shabaab ay wiiqeyso ammaanka. Laba sano ka hor waxay haysteen Muqdisho. Abaalka waxaa leh AMISOM iyo ciidammada Soomaaliya.

SU’AAL:Dowladda UK qorshaha ma ugu jirtaa in ay cadaadis ku saarto maalgeliyayaasha caalamiga ahi in ay ka guuraan Nairobi oo ay degaan Hargeysa ama Muqdisho?

WASIIR UK:UK waxay dib u furtay Safaaraddeedii Muqdisho. Waa safaaraddii Yurub ee ugu horreysay 21 sano. Qaar kale in ay ku dhiirri geliso in ay ku daydaan ayaan rajeyneynaa.

SOO JEEDIN:Meynaan maqal UK oo cambaareyneysa dil toogasho ah oo boobsiis ah oo ka dhacay Puntland iyo gobollo kale oo Soomaaliya ah. UK waa in ay ku dhaqaaqdo in la joojiyo falalkaas.

WASIIR UK: UK wey ka soo horjeeddaa xukunka dilka meel kasta oo ay ahaato dunida. Dib eegidda garsoorku waxay ka mid tahay waxyaabaha uu Madaxweynuhu siinayo muhiimadda. Waxaan rajeyneynaa in uu arrinta [xukunka dilka] dib u eegi doono.

SU’AAL:Haweenka Soomaalidu waxay u baahan yihiin in la badbaadiyo [xuquuqdooda la sugo]. Dowladda Britain ma leedahay qorshe cad oo ay dowladda Soomaaliya la horfariisaneyso oo arrintan wax looga qabanayo?

WASIIR UK:Soomaaliya waxay ka mid tahay waddammada haweenka ugu daran. UK waxay horseed ka tahay falka lagula dagaallamayo faraxumeynta haweenka goobaha colaadda.

Aad baad ugu mahadsan tihiin su’aalihiinna. Waan ka xumahay in aanan kulligood idiinkaga wada jawaabin. Waxaan ka dhur sugayaa shirka soo socda ee Brussels.

Xigasho http://yusuf-garaad.blogspot.nl/

Soomaalida USA ayaa ugu baaqay dadka diidan Barre Hiraale inay soo raacan madaxweynaha  cusub ee Jubbaland ee Barre Hiraale iyagoo sheegay inuu wax badan ka qaban doono.

Mourinho, oo 50 sano jir ah, ayaa waxaa la hadal hayaa inuu dib ugu laaban doono Chelsea, kadib markii Real uu u qaaday hal horyaal iyo Copa del Rey.

“Go’aankaan waxaan ku gaarnay in aan xiriirkeena soo afjarno,” sidaasi waxaa yiri Perez. “Qof la eryay ma jiro, go’aankaan waa mid ay si wada jir ah u gaareen laba dhinac.”

Real waxey hadda 13 dhibcood ka hooseysaa Barcelona oo horyaalka qaaday.

Mourinho 3dii sano ee ugu danbeysay waxaa lagu reebay semi-final-ka Champions League.