Ammaanka Baydhabo oo la adkeeyay iyo Gaadiidka oo la mamnuucay xilliyada habeenkii

0
1

Ammaanka guud ee magaalada Baydhabo ayaa si aad ah loo adkeeyay, iyadoo ciidamada ammaanka ay soo rogeen awaamiir kala duwan.

Saraakiisha amniga ayaa mamnuucay in magaalada aanay xilliyada habeenkii wax gaadiid soo geli karin, isla markaana gaadiidka ka imaanaya gobolada ay habeenkii ku hoydaan duleedka magaalada.

Amarkan ayaa socon doona inta lagu guda jiro bisha Ramadaan oo ciidamada ammaanka Baydhabo ay laba jibaareen howlaha lagu sugayo ammaanka Baydhabo.

Gaadiidka ka yimaada Muqdisho ee isugu jira kuwa xamuulka iyo rakaabka ayaa marka la gaaro salaada maqrib kaddib lagu celinayaa koontaroolka laga soo galo Baydhabo.

Rakaabka saaran gaadiidka ayaa marka ay soo gaaraan duleedka magaalada u soo lugeeya, iyagoo baaritaan adag la soo marsiiyo.

Todobaadkii hore ayay aheyd markii magaalada Baydhabo uu ka dhacay shirka Madaxda dowlad goboleedyada oo socday muddo saddex cisho ah, iyadoo ammaanka magaalada si aad loo adkeeyay.