allxamar
generaal 10752492_10152752711195675_1417165635_o
|

Diyaarad lacag fara badan u sida Safaaradda Imaaraadka Carabta oo lagu qabtay garoonka Muqdisho

Diyaarad lacag fara badan siday oo ka timid Imaaraadka Carabta ayaa lagu qabtay garoonka diyaaradaha Aadan Cadde ee Muqdisbo.

Saraakiil ka tirsan Safaaradda Imaaraadka Carabta ee Muqdisho ayaa ku sugan garoonka Muqdisho, kuwaasoo sugayay diyaarada, sida ay xaqiijinayaan wararka laga helayo garoonka Muqdisho.

Ciidamada ammaanka ee garoonka ayaa ka war helay in lacag sido diyaaradan, iyagoo ku amray in la baaro boorsooyinka, taasoo uu ka dhashay muran.

Ismaandhaaf ku aadan lacagtan ayaa ka taagan garoonka, iyadoo diyaaradda timid garoonka ay diiday in la baaro.

Wararka qaar ayaa sheegaya in qeyb ka mid ah lacagta loo wado Puntland, halka qeybta kalena u socoto Safaaradda Imaaraadka Carabta ee Muqdisho.

Mas’uuliyiin ka tirsan dowladda ayaa ku sii jeeda garoonka, kuwaasoo ku baxay is maandhaafka ka taagan diyaaradan lacagta lagu qabtay.

Ilo ku sugan garoonka ayaa ii xaqiijiyay in imaatinka diyaaradda lacagta siday laga war hayay, balse inta ay la egtahay lama oga cadadkeeda.

Waxaa laga cabsi qabaa in lacagtan loo adeegsado arrimo siyaasadeed, iyadoo maalmihii la soo dhaafay ay cirka isku shareertay xiisadda siyaasadeed ee ka taagan Muqdisho, kaasoo ka dhashay mooshinka laga keenay Guddoomiye Jawaari.

Email: newsomali2@gmail.com

Posted by on Apr 8 2018. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *

*

Recently Commented