FARMAAJO OO KU SII JEEDA RWANDA Xilli dalka xasilooni daro siyaasadeed ka jirta

0
1

Madaxweynaha Soomaaliya Maxamed Cabullaahi Farmaajo iyo wafdi uu hogaaminayo ayaa la filayaa in ay dhawaan u ambabaxaan dalka Ruwand,halkaas oo ay shir uga qeybgeli doonaan.

Madaxweyne Farmaajo iyo wafdigiisa ayaa ka qeybgeli doona Shir madaxeedka Ganacsiga Xorta ah ee Qaaradda Afrika oo Maalinta Arbacada ah ka dhici doona dalka ruwand,waxana sidoo kale ka qeybgeli doona hoggaamiyaasha 35 Dal.

Madaxda kale ee shirkaasi ka qeyb geli doonta ayaa waxaa ka mid ah Guddoomiyaha Bangiga horumarinta Afrika Adesina Akinwumi, iyo Xoghayaha guud ee Ururka Ganacsiga ee COMESA, Sindiso Ngwenya iyo wakiilka Guddiga dhaqaalaha Qaramada Midoobey ee Afrika Vera Songwe.
Madaxda Wadamadooda lagu casuumay oo ilaa iyo hadda la shaaciyay ayaa waxaa ka mid ah Congo, Brazzaville, Niger, Chad, Uganda, Djibouti,Somalia, Madagascar, The Gambia, Guinea Bissau, Mozambique, Nigeria, Central African Republic, Libya, Burkina Faso, Angola, Zimbabwe, South Africa, Senegal, Kenya, Mali, Madagascar, Gabon, Guinea, Sahrawi, Ghana, Lesotho, iyo Comoros.

Shir madaxeedka Ganacsiga Xorta ah ee Qaaradda Afrika ayaa markii la soo gaba gabeeyo waxaa halkaasi lagu saxiixan doonaa heshiiska dhaq dhaqaaqa Ganacsiga xorta ah ee Qaarada Afrika.

Sidoo kale Madaxweyne Farmaajo ayaa waxa uu dalka ruwanda kula kulmi doonaa Madaxda ka qeyb galeysa doona Shir madaxeedka Ganacsiga Xorta ah ee Qaaradda Afrika,isaga oo kala hadli doono sidii loo taageeri lahaa dowladda Federaalka Soomaaliya.