allxamar
generaal 10752492_10152752711195675_1417165635_o
|

Abdirahmaan Cabdishakuur oo Dhulka la galay Madaxda Villa Soomaaliya, Muxuu ka yiri Mooshinka Jawaari laga keenay?

Cabdiraxmaan Cabdi Shakuur Warsame oo ka mid ah Siyaasiyiinta Soomaaliyeed  ayaa aad u dhaliilay Siyaasada Madaxda Somalia ee iminka lagu shaqeeyo isagoo si gaar ah farta ugu fiiqay xaalada hadda ka taagan dalka iyo qalalaasaha siyaasadeed ee Xukuumadda iyo Baarlamaanka.
Cabdiraxmaan Cabdi Shakuur, ayaa si gaara uga hadlay Mooshin la sheegay in laga gudbiyay Guddoomiyaha baarlamaanka Somalia Maxamed Sheekh Cusmaan Jawaari, kaa oo xiisad iyo kala jab ka dhex abuuray Xildhibaanada baarlamaanka.

Cabdiraxmaan Cabdi Shakuur, ayaa sheegay in Mooshinka Jawaari ka hor ay jireen dagaalo lala galay Madaxda Maamul goboleedyada ,Siyaasiyiinta iyo Xildhibaanada qaar ee Golaha Shacabka, isaga oo ku eedeeyay in ay ka dambeeyaan Madaxda dalka ugu sareysa.

Waxa uu Siyaasigu sheegay inaanu macquul aheyn in Madaxda dalka ay dhaqan ka dhigtaan dagaal iyo is jiidjiid taagan, waxa uuna ku taliyay in la qaboojiyo Siyaasada.Waxa uu tilmaamay Cabdiraxmaan Cabdi Shakuur in dowlada Somalia ee hadda jirta ay xasiloonida Siyaasadeed ka jeceshahay inay karkariso Siyaasada dalka.

Isagoo ka hadlaayay dhaliisha uu u qabo Madaxda dalka iyo Siyaasada lagu shaqeynaayo ayuu yiri ‘’Madaxda Villa Soomaaliya Xasiloonida waxa ay ka doorbideen Xasarad Siyaasadeed”

Nuqul kamid ah haddalka Abdirahman Abdishakur Warsame, ayaa ahaa “Mooshin laga keenay Gudoomiyaha Baarlamaanka ayaa la sheegay in uu jabay. Madaxtooyada Soomaaliya waxay Dagaalka siyaasadeed ka soo bilawday in xilka laga tuuro madaxda maamul goboleedyada. Waxaa ku xigey Xildhibaanada oo Xaasanada laga qaado, madaxda Xisbiyada oo xabad iyo xarig lagu dayo’’

‘’Wuxuu haatan marayaa gudoomiyaha Baarlamaanka. Su’aashu waxay tahay yaa ku xiga?. Waxaa muuqata Villa Somalia in ay xasiloonida ka door bideyso xasarad siyaasadeed”

Email: newsomali2@gmail.com

Posted by on Mar 15 2018. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *

*

Recently Commented