allxamar
generaal 10752492_10152752711195675_1417165635_o
|

MUQDISHO OO QASHIN MARTI GELINAYSA Xilli Eng Yariisow ka badan waayay qaabilada Safiirada ajanabiga ,Xafladaha iyo halka Xukuumadda Federaalka aysan jirin wax ay umadda ugu qabato lacagaha cashuuraha laga qaado dadka Gobolka, Daawo Sawirada

Wararka ka imaanaya Magaalada Muqdisho ayaa sheegaya in uu kordhaaya nadaafad daro ka taagan Qaar ka mid ah Wadooyinka ku yaalla Magaalada Muqdisho, kuwaa oo eersanaaya dadaal la’aan ka jirta dhanka maamulka Gobolka Banaadir.

Maamulka cusub ee hogaaminaya C/raxmaan Yariisow ayaa ku mashquulsan la kulanka Safiirada ajanabiga iyo dhagax dhigo halkii ay ka wajihi lahaayan ka shaqeynta arrimaha dowladaha hoose oo qeyb ka ah nadaafadda.

Waddooyinka ugu badan ee magaalada Muqdisho iyo goobaha lagu ganacsado sida Suuqa Bakaaraha ayaa Saldhig u noqday biyo cagaartay oo ka dhashay qashinka iyo biyaha ay Maqaayadaha soo qubaan.

Biyaha iyo Qashinka ugu dan ayaa iminka buux dhaafiyay Suuqa Bakaaraha oo hoostagta Degmada Howlwadaag gaar ahaan Wadada Masjidka Xareed ee Aada isgoyska Baar Ubax ayey jarta wasaqda ka dhalatay Nadaafad Darada.

Waddooyinka aan kor kusoo xusnay ayaa fadhiisi u noqday biyo cagaartay oo midabkooda isbedelay, islamarkaana waxa ay waddaasi noqotay mid lagu soo guro qashin badan.

Qashinka iyo Biyaha fadhiya waddooyinka Gobolka Banaadir ayaa qeyb ka ah mas’uuliyad darada heysata maamulka Gobolka Banaadir oo iyagu qaada dhaqaalaha ugu badan ee ku jira gacanta shacabka.

Maamulka Gobolka Banaadir ayaa saldhig u noqonaaya xil kasnimo la’aan waxaana xusid mudan in waddooyin kabadan 13 ay yihiin kuwo ay jareen wasaq iyo biyo sababay cuduro kala duwan.

Sidoo kale, waxaa jajaban waddooyin aad u farabadan oo ay shacabku ku bixiyaan lacago canshuur ah, hase ahaatee waxa ay dadku is weydiinayaan halka lagu bixiyo lacagaha canshuurta marba haddii uu arinku sidaa yahay.

Maamulka Gobolka Banaadir ee uu Hoggaamiyo Eng. Yariisow ayaa ka badan’la xaflado iyo xarig ka jarista xarumo Degmooyin oo la dayactiray

Inta badan maamulada degmooyinka Magaalada Muqdisho ayaan iska xilsaarin ilaalinta Nadaafadda Wadooyinka dib u dayactirka lagu sameeyay.

Email: newsomali2@gmail.com

Posted by on Feb 18 2018. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *

*

Recently Commented