allxamar
generaal 10752492_10152752711195675_1417165635_o
|

FARMAAJO OO WEERARAY SIYAASIYIINTA MUCAARADSAN DOWLADDIISA

Madaxweyne Farmaajo ayaa sheegay inaanu jirin saameyn ay shaqsiyaadkaasi mucaaradka ah ku yeelan doonin Siyaasada iyo horumarada ay sameyneyso dowladiisa, bacdamaa ay shacbiga Soomaaliyeed ay yihiin kuwo garwaaqsaday Xasiloonida iyo ahmiyada ay leedahay Horumarka.
Farmaajo waxaa uu sheegay in dadkaasi ay doonayaan in ay dib u dhigaan dowladnimada Soomaaliya, hase ahaatee aysan dhici doonin taa.

Waxaa uu sheegay in xubnaha dowladda kasoo horjeedda ay doonayaan in tafaha ku dhaggaan dowladda, taasina aan la aqbali doonin maadaama ay Umadda Soomaaliyeed doonayaan inay hiigsadaan Horumar, sida uu hadalka u dhigay.
Madaxweyne Farmaajo ayaa ku tilmaamay dadka mucaaradka ku ah dowladda in xilliggii Xasan Sheekh Maxamuud ay soo waceen ayna ka codsadeen in uu noqdo Mucaarad, hase ahaatee uu si bareera u diiday isagoo fiirinaaya dhibta ay ku jirto Somalia.

Waxa uu hoosta ka xariiqay in musiibadii 14-kii October dhacday ay keentay in dowladdu ay marti geliso shirkii ay ka qeyb galeen Madaxda dowlad goboleedyada, kaasi oo la isku afgartay in si wada jir ah dalka looga xoreeyo cadowga dhibaateynaya Ummadda Soomaaliyeed.

”Waxaan u mahadcelinayaa doorkii dhallinyaradu ay ka qaateen musabadii dalka ka dhacday oo ay sameeyeen gurmad Qaran, oo ay isugu soo baxeen inay dalkooda ka xoreeyaan cadowga Ummadda Soomaaliyeed”

”Waxaa noo balan ah inaad dalkaan xoreysaan, inaad qalinka dhigtaan oo aad gacmaha isqabsataan oo aad doorkiina ka xoreynta cadowga ah qaadataan”

Sidoo kale, dadka Shacabka ayuu ugu baaqay in ay la shaqeeyaan dowladda, islamarkaana ay ka qeyb qaataan xaaladda dagaal ee dalka ku jiro.

Bilihii lasoo dhaafay ayaa waxaa xoogeystay Siyaasiyiinta iyo Xildhibaanada kasoo horjeedda dowladda uu hoggaamiyo Madaxweyne Farmaajo.

Email: newsomali2@gmail.com

Posted by on Nov 11 2017. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *

*

Recently Commented