allxamar
generaal 10752492_10152752711195675_1417165635_o
|

AHMED MADOOBE OO DIFAACAY SHIRKA KISMAAYO

Madaxweynaha Maamulka Jubbaland Axmed Madoobe ayaa meesha ka saaray tuhunka laga qabo shirka Kismaayo, isagoo ka dhawaajiyay in uusan waxba u dhimi doonin siyaasadda Soomaaliya.

Axmed Madoobe oo shalay ka hadlayay soo dhoweynta Madaxweynaha Koofur Galbeed ayaa sheegay in shirkan aanu carqalad ku aheyn xasiloonida iyo midnimada Soomaaliya.

“Shirkaan wax carqalad ah kuma ahan xasiloonida iyo midnimada Soomaaliya, shirkaas waa mid wanaag lagu raadinayo oo aan tuhun ku jirin iyo wax xumaan ah”ayuu yiri Axmed Madoobe.

Axmed Madoobe ayaa sheegay in laan wax xumaan ah iyo dhib wadin laga garan doono natiijada ka soo baxda shirka oo noqon doona mid dani ugu jirto dhamaan shacabka Soomaaliyeed.

Madaxda Maamul goboleedyada ayaa ku qul qulaya magaalada Kismaayo, waxaa shalay gaaray Madaxweynaha Koofur Galbeed Shariif Xasan, iyadoo maantana lagu wado inay gaaraan Madaxda Puntland, Galmudug iyo Hirshabelle.

Maalinta berri oo Axad ah ayaa lagu wadaa inuu shirka furmo, shirkan ayaa noqon doona kii u horeeyay oo gaar u dhex mara dowlad goboleedyada, iyadoo dowladda Federaalka ay banaanka ka joogto.

Email: newsomali2@gmail.com

Posted by on Oct 7 2017. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *

*

Recently Commented