allxamar
generaal 10752492_10152752711195675_1417165635_o
|

Kenya: Raila Odinga oo shacabka ugu baaqay in aanay shaqo tagin Isniinta

Hogaamiyaha mucaaradka Kenya, Raila Odinga, ayaa jawaab keni adayga ka bixiyey baaqyadii caalamka uga imanayey ee ahaa in uu aqbalo natiijada doorashadii todobaadkii hore dhacday ee uu muranku ka taaganyahay guushu se ku raacday madaxweyne Uhuru Kenyatta.
Fagaare ku yaalla xaafadda isku raranta ah ee Kibera oo ku taal magaalada Nairobi, ayaa dad iskugu soo baxay waxa Odinga iyo mid ka mid ah saraakiisha sarsaree xisbigiisu ugu baaqeen taageerayaasha mucaaradka in aanay shaqo tagin berri oo Isniin ah.

Senator James Orengo ayaa yidhi dadku waa in ay u dhego nuglaadaan baaqa mucaaradka ee ah isu soobaxa nabadgelyo, sidoo kalena waxa uu sheegay in warbaahinta maxalliga ahi aanay runta ka sheegayn sidii doorashadu u dhacday.

Wararkii u dambeeyey waxay sheegayaan in ilaa markii lagu dhawaaqay natiijada doorashada lix iyo toban qof lagu dilay goobaha ay ku badanyihiin taageerayaasha mucaaradka ee ku yaal magaalada Nairobi iyo galbeedka wadanka.

Email: newsomali2@gmail.com

Posted by on Aug 13 2017. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *

*

Recently Commented