allxamar
generaal 10752492_10152752711195675_1417165635_o
|

Usain Bolt oo taariikh cusub dhigay

Usain Bolt oo ah orodyahanka ugu dheereeya caalamka ayaa taariikh cusub dhigay kaddib markii uu markii saddexaad ee isku xigta uu ku guulaystay tartanka 100m ee Olympic-ada Adduunka.
2Orodyahankan u dhashay dalka Jamaica ayaa ka hormaray ninka ay aadka u xifiiltamaan ee u dhashay dalka Mareykanka ee Justin Gatlin.

Ciyaaryahankan ayaa ku orday 9.81 ilbiriqsi, waa wax ka yar 10 ilbiriqsi.

Bolt, oo ah 29-jir, ayaa sidaa markiisii saddexaad ee isku xigta ugu guulaystay billadda dahabka ee tartanka 100m ee Olympicada Adduunka, iyadoo uu horay ugu soo kala guulaystay Olympic-adii Adduunka ee 2008-dii lagu qabtay Beijing iyo middii London 2012.

Orodyahankan ayaa ku sii jira tartanka oo waxa uu doonayaaba inuu markiisii saddexaad oo xiriir ah uu ku guulaysto tartamada 200m iyo midka 400m ee qori isu dhiibka.

Bolt ayaa waxa uu  sheegay inuu rajaynayay inuu aad u dheereeyo hasayeeshee uu ku faraxsan yahay inuu guulaystay.
Goor sii horreysayna orodyahanka u dhashay dalka Koonfur Afrika ee Wayde van Niekerk ayaa ku guulaystay orodka 400m ee ragga, isagoo halkaana ku dhigay rikoor cusub kaddib markii uu orday 41.03 ilbiriqsi.

Rikoorka uu orodyahankaasi jabiyay oo ahaa 43.18 ilbiriqsi ayaa 17 sano ka hor waxaa dhigay Michael Johnson oo u dhashay dalka Mareykanka.

Teenisyahanka reer Britain ee Andy Murray ayaa isna ku guulaystay billaddii labaad ee dahab ah ee isku xigta Olympicada Adduunka.

Email: newsomali2@gmail.com

Posted by on Aug 15 2016. Filed under Cayaaraha, Wararka. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *

*

Recently Commented