Wasiirka Gaashandhigga iyo Saraakiil Amisom oo gaaray Magaalada Jowhar
Wasiirka gaashaandhiga dowlada C/xakiin X. Maxamuud Fiqi iyo saraakiil sarsare oo dhinaca ciidamada AMISOM iyo dowlada ayaa gaaray magaalada Jowhar ee xarunta gobolka Sh/dhexe.
Waxaana la adkeeyay ammaanka magaalada Jowhar iyadoo ciidamo badan lagu arkayo wadooyinka magaalada Jowhar. Madaxdan ayaa lagu wadaa in ay meel fagaare ah kula hadlaan shacabka ku nool magaalada Jowhar sida ay xaqiijiyeen saraakiil ka tirsan maamulka gobolka Sh/dhexe.
Xubnaha wafdigan ayaa noqonaya kuwii ugu horeeya ee soo gaara magaalada Jowhar tan iyo markii magaalada ay ka guurtay dowladii kumeelgaarka ahayd ee Cabdulahi Yuusuf Axmed horaantii 2006 magaalada Jowhar oo xarun u ahayd.
Posted by