Video: Radamel Falcao Oo 5 Gool Shabaqa Ku Hubsaday Xilli Atletico Madrid Ay Dubatay Deportivo.

Isla maalintii uu Lionel Messi jabiyay rikoorkii Gerd Muller, Radamel Falcao ayaa isna na xusuusiyay inuu tahay gooldhaliyaha ugu fiican caalamka waqti xaadirkaan.

26 jirkaan reer Colombia ayaa shan gool dhaliyay xilli kooxdiisa Atletico Madrid ay ku xasuuqday Deportivo La Coruna 6-0.

Marka ay weeraryahan timaado, xiddiga reer Argentine ayaa kugu soo dhacaya, laakiin hadii aad raadineyso gooldhaliye saafi ah, Falcao ayaa ah nin ay adag tahay in lagu garaaco booskaas.

Waxa uu qatar ku yahay kubada madaxa, rigooradiisa waa mid sugan, xagal kasta ayuuna gool ka dhalin karaa, waxa ay muuqataa in cidna aysan u babac dhigi karin.

Falcao ayaa 19 gool u dhaliyay Atletico Madrid 15 kulan oo uu u saftay xilli ciyaareedkan tartamada oo dhan. Atletico Madrid ayaa ku jirta kaalinta labaad ee La Liga waxaana ay 6 dhibcood u jirtaa kooxda hogaanka heysa ee Barcelona.

Email: newsomali2@gmail.com

Posted by admin on Dec 10 2012. Filed under Cayaaraha. You can follow any responses to this entry through the RSS 2.0. You can leave a response or trackback to this entry