Oday dhaqameed lagu dilay Muqdisho
Rag hubeysan ayaa galabta ku dilay xaafadda Nasteexo ee degmada Wadajir oday dhaqameed lagu magacaabi jiray Maxamed Maxamuud Yuusuf oo ka mid ahaa odayaashii soo xulay xildhibaannada baarlamaanka Soomaaliya.
Goobjoogayal ayaa u xaqiijiyay newsomali.com oday dhaqameedka lagu dilay inta u dhaxeysa garaash uu soo dhigtay gaari uu watay iyo guriga uu degganaa oo ku yaalla xaafadda Nasteexo.
Rag bistoolado ku hubeysan ayaa rasaas ku furay Maxamed Maxamuud Yuusuf, kuwaas oo markiiba goobta ka baxsaday.
Sagaalkii bishii hore waxaa Muqdisho lagu dila oday dhaqameed kale oo lagu magacaabi jiray Malaaq Isaaq Ibraahim oo ka mid ahaa odayaashii soo xulay xildhibaannada cusub.
Posted by