Kooxaha 16ka Champions League u soo gudbay
Paris St Germain ayaa ka fujiysay macalinkeeda Carlo Ancelotti markii ay si dhib badan ugu soo gudubtay wareega 16ka Champions League isla markaana ay kaalinta kowaad kaga soo baxday Group A markii ay 2-1 kaga badisay Porto.
Cristiano Ronaldo celebrates scoring Madrid’s first goal ©Getty Images
Ajax Amsterdam, waxaa loo xanbaariyay 4-1 guuldaro ah waxaana u dhiibtay Real Madrid, taasi waxey sababtay in ay iska xaadirisay tartanka Europe League.
Dortmund’s Julian Schieber is congratulated after scoring the only goal against City
Manchester City waxey koobka ku dhameystay musiibo kale markii 1-0 qasaaro ah ay kala kulantay Borussia Dortmund taasoo heshay booskeeda Group D.
Anderlecht ayaa loo diiday in ay ka qeybgasho ciyaaraha Europe markii ay 2-2 bareejo ah ay la gashay Malaga, taasoo kaalinta kowaad kaga soo baxday Group C, ciyaartaasoo ay hareeyeen rabashado xoogan.
Zenit St Petersburg oo 1-0 kaga badisay AC Milan, ayaa heshay booskii lagu aadi lahaa Europa League halka Milan ay kaalinta labaad ay ku soo baxday.
Schalke 04 oo 1-1 bareejo ah la gashay Montpellier ayaa kaalinta kowaad kaga soo baxday Group B markii ay ka faaiideystay guuldaradii ku dhacday Arsenal, taasoo kaalinta labaad kaga soo baxday groupkeeda walow ay 2-1 qasaaro ah kala kulantay Olympiakos Piraeus.Natiijadaasi waxey u suuragalineysaa Olympiakos in ay ku aado koobka Europa League.
Isku aadka kooxaha u soo gudbay wareega 16ka waxaa la sameyn doonaa 20-ka Dec.
Sunni Said Salah
Posted by