Xulka Kubadda Cagta Soomaaliya oo cagta la mariyay
Xulka dalkeena Soomaaliya ayaa guuldaradii ugu danbeysay ay ka soo gaartay koobka bariga iyo bartamaha Afrika ciyaartii ugu danbeysay ee Group B ka dib markii guuldarro 7-0 ay ka soo gaartay xulka Tanzania.
Xulka Soomaaliya oo arbacadii xaqiijisatay inay ka hareen koobka Cecafa ee ka dhacaya Uganda ayaa kulankoodii ugu danbeeyay lagu sagootiyay guuldarro culus oo ka soo gaartay xulka Tanzania.
Soomaaliya waxaa shan gool ka dhaliyay Mrisho Ngasa, halka labada gool kale uu ka dhaliyay John Bosco,
Guuldaradaas ayaa ka dhigeysa tii seddexaad ee seddex kulan oo Group B oo ay ciyaartay Soomaaliya, waxaana ay dalka ku laabanayaan iyagoo laga dhaliyay 13 gool halka ay dhaliyeen gool kaliya kulankii ugu horeeyay ee Burundi.
Kulankii ugu horeysay waxaa 5-1 kaga badisay xulka Burundi, waxaa ku xigay kulankii Sudan ay kaga badisay 1-0, iyo kulankaan oo lagu xaaqay 7 gool.
Posted by